Mayo Dos Mil Trese (2013)

Weng Ranoco

Pagkamabulokon sa Mayo nako ning tuiga

Puno sa kulba-hinam, kalipay, kakapoy ug kasakit
Ug sa di mabasta-basta nga pag-unongay
Sa mga higala, katrabaho ug kapamilya.

Halandumon ang uno sa Mayo kay adlaw sa mga mamumuo
Ug sa akong pamilya skedyul sa pagpadala og kwarta
Ang singko sa Mayo importante usab nga gihandum
Hilabi na sa Latino nga komunidad sa Amerika

Sagunson dayon ang pag-atake sa alerdyi, saynusaytis ug maygrin
Ug ang resulta, palta sa trabaho ug pagbutho sa klinika.
Salamat igsoon kong Belle sa pag-aswat sa diwa sa kabaskog
Nipatik sa talagsaong kasinatian nga nibati ug kaanyag

Buntag hangtud hapon sa onse sa Mayo ako ning apil
Sa kinalabwan nga pag-eskor sa mga proyekto sa “bridge”
Pagkagabii ako nakig-ambit sa bibo nga selebrasyon
Sa adlaw’ng natawhan sa mga higala nga Safari ang tema.

Dose sa Mayo daw piyesta sa Facebook, Twitter ug Instagram
Adlaw sa mga inahan bongga nga gihinuklogan
Mabungahon nga misa, kaon sa gawas ug tan-aw og sine pwerteng lingawa
Salamat sa akong higala – si Imelda.

Mga estudyante nga angayan molampos, malipayong gipasidunggan
Mayo desisyete gitakda ang programa panamilit, usa ka semana tapos sa JS Prom
Ug ako naghinuklog kung andam na kaha sila tanan
Moatubang sa pangkolehiyo nga kalibutan?

Kisi-kisi dayon kaming mga magtutudlo sa pagrebyu para sa stetsayd nga asesment
Gitakda na sa Mayo beynte hangtud beynte kwatro
Kay gusto nilang suknaon ug paninglan ang mga magtutudlo -
Unsa gayud ang nahibaloan sa mga estudyante karon?

Modason dayon sa Mayo beynte syete ang memoryal nga holiday
Alang sa mga namatay ug na-angul nga sundalo sa Amerika
Paghandum ug pasidungog alang kanila niining adlawa
Panahon usab sa laag, road trip ug pagpangompra.

Inig tapos sa bulan sa Mayo, adunay dako nga selebrasyon
Hilabi na sa kabataan ug kabatan-onan
Pinasiugdahan sa mga Pinoy sa simbahan Katoliko ang Santakrusan
Isip pagtapos sa Flores de Mayo nga kalihukan.

Samtang nagsulat ako niining akong tampo karon.
Kauban nako ang kamanghuran nga anak
Kay plano namo saulogon ang naoktaba nga adlaw sa inahan
Magsuroy-suroy, mangaon, maglingaw-lingaw gud lamang.

Translation
May Twenty Thirteen (2013)

How colorful is my month of May this year
Full of thrill, joy, tiredness and pain
Also forging bonds that cannot be ignored
Among friends, co-workers and family.

May first is memorable as the day of the working class
And for me tis the schedule to send remittance to the family
May fifth is also importantly commemorated
Especially among the Latino communities in America.

Then I had a series of bouts of allergy, sinusitis and migraine
That resulted to being off at work and checking into the clinic
Thanks sis Belle for lifting my sense of health and well-being
Tatooed into a rare experience of beauty enhancement.

From morning ‘til noon on May eleventh I joined
A major scoring schedule of Bridge projects
At night I shared in the joyful joint celebration
Of birthdays of friends with Safari as the theme.

The twelfth of May was a feast on Facebook, twitter and Instagram
Mothers Day was hugely pondered upon-
A fruitful mass, lunch out and movie watching was a blast
Thanks to my friend – Imelda

Students who deserved success were gladly honored
Set on May seventeenth, was the Senior Farewell
A week after JS Prom and it made me think hard
Are all of them ready to face the world of college life?

All teachers soon kept a buzz busy to review for statewide assessments
Already set for May twentieth until the twenty fourth
The purpose is to gauge and collect from the teachers
What have the students today really learned?

Soon to follow on May twenty seventh is memorial day holiday
For the dead and injured soldiers of America
This is the day to honor and remember them
And also the time for gallivanting around, road trips and shopping spree

At the end of May is one big celebration
Especially for the kids and the youth
Initiated by the Filipinos of the Catholic church is the Santacruzan
As the closing event of the Flores de Mayo activities.

While I am writing this piece tonight,
I am with our youngest son
As we also planned to celebrate Mother’s day that we postponed
Just roaming around, eat all you can, and simply have fun.

 (Weng Ranoco is a High School teacher in Maryland. She is a teacher without borders. Weng provides tutorials in CHEMISTRY, BIOLOGY, and ENVIRONMENTAL SCIENCE. She is a top notch teacher who can motivate and inspire students to learn and excel in the field of Science. She could be reached atweng.ranoco@gmail.com)